2007-ci ildə ARDNŞ-ın "Azneft" İstehsalat Birliyinin "Xəzərdənizneftdonamması" idarəsi 35 gəminin təmirini həyata keçirmək niyyətindədir. Trend xəbər verir ki, bu barədə idarə rəisi Mübariz Mədətov bildirib.
Keçən il "Xəzərdənizneftdonamması" tərəfindən 565 min 423 ton yük daşınıb ki, bu göstərici proqnozdan 41,4% çoxdur. Eyni zamanda daşımaların həcmi 2005-ci ildəki daşımaların həcmindən 22,9% çox olub. Daşınan yükün əsas hissəsini dizel yanacağı, içməli su, metalquraşdırmalar, sement, kimyəvi aqreqatlar, boru və digər yüklər təşkil edib.
Hazırda idarənin balansında 256 gəmi, 4 üzən emalatxana və 3 üzən barj var.
