Azərbaycan, Bakı, 06 may/ Trend , müxbir S.Babayeva/Azərbaycanın "Xalq kompüteri" layihəsinin reallaşdırılması üzər işçi qrupunun növbəti görüşü mayın 13-ə təyin edilib. Bu barədə çərşənbə axşamı Azərbaycanın Raibət və İnformasiya Texnologiyaları Nazirliyindən məlumat veribər.
"Görüşdə layihənin ilkin variantı, maliyyələşdirmə mexanizmləri müzakirə ediləcək", - Rabitə Nazirliyindən bildiriblər.
Layihənin reallaşdırılması üçün nazirlikdə bır sıra nazirliklərin, İntel və Microsoft şirkətlərinin mütəxəssislərindən ibarət işçi qrupu yaradılıb. Layihə uzunmüddətli kredit və aşağı faiz dərəcələri ilə əhalinin aztəminatlı təbəqələrinə kompüterlərin verilməsinə yönəlib.
Əvvəlki görüş aprelin 25-də keçirilib.
Layihənin şərtləri razılaşdırıldıqdan sonra, o, nəzərdən keçirilmək üçün hökumətə veriləcək.
Nazirlikdə ilin sonunadək ölkənin regionlarından birində layihənin reallaşdırılmasına başlamağı planlaşdırırlar.
Bu il əhalinin aztəminatlı təbəqələrinə təqdim etmək üçün 10 min kompüter almaq nəzərdə tutulur, kompüterlərin birinci mərhələdə müəllimlərə və tələbələrə verilməsi variantları nəzərdən keçirilir.
Layihə üç ilə nəzərdə tutulub, lakin düzəlişlər istisna edilmir. Layihənin ümumi dəyəri hələ müəyyən edilməyib.
Rabitə Nazirliyinin məlumatına görə, Azərbaycanda hər yüz nəfərə 5-7 kompüter düşür. Dünyada orta göstərici 20-25 kompüterdir. Ölkədə İnternet istifadəçilərinin sayı 1 mln. nəfərə çatır, regionların payına isə, onun iki-üç faizi düşür.