Azərbaycan, Bakı, 06 iyun/ Trend , müxbir S.Babayeva/ Azərbaycanın Dövlət Radiotezliklər İdarəsi 145 müəssisə və təşkilatda avadanlığa texniki baxış keçirib. Bu barədə DRİ-dən məlumat veriblər.
Yoxlamalar nəticəsində 9762 müxtəlif qeydiyyatdan keçməmiş elektrik radio cihazı aşkar edilib. Onlardan 335-i qeydiyyatdan keçirilib, 89 ədəd -surğuclanıb, 9338 ədəd cihazın qeydiyyatı üçün iş aparılır.
Hazırda 173 təşkilatda plomblanmış avadanlığa texniki baxış keçirilir.
Dövlət Radiotezliklər İdarəsi ilk dəfə olaraq Bakı "Radiotelefonlara texniki nəzarət stansiyası" təşkilatının (öz fəaliyyətinə qrup kimi başlayıb) nəzdində yaradılıb və 1970-ci ildən etibarən, formalaşmağa başlayıb. 1988-ci ildə Rabitə Nazirliyinin əmri ilə Radioelektron Vasitələrin Elektromaqnit uyğunluğu Mərkəzi yaradılıb. Mərkəz 1998-ci ildə "Dövlət Radiotezliklər İdarəsi" adı altında dövlət qeydiyyatından keçib. O, respublika ərazisində bütün müəssisə, təşkilta və dövlət orqanlarında tezliklərin paylanması, istismarı və tezliklərə nəzarətlə məşğul olur.
