...

Azərbaycan və Estoniya İT sahəsində əməkdaşlıq perspektivlərini müzakirə edəcəklər

Telekommunikasiya Materials 12 Yanvar 2009 18:01

Trend-i buradan izləyin

Azərbaycan, Bakı, 12 yanvar/ Trend , müxbir S.Babayeva/ "Azərbaycan və Estoniya çərşənbə axşamı, hər iki ölkə rəhbərliyi və nazirliklərinin iştirakı ilə keçiriləcək biznes-forumda informasiya texnologiyaları sahəsində əməkdaşlıq perspektivlərini müzakirə edəcəklər", - Azərbaycan - Estoniya Ticarət Palatasının rəhbəri Yana Krimpe bazar ertəsi bildirib.

Onun sözlərinə görə, forumun gedişində Azərbaycan prezidenti İlham Əliyev və onun estoniyalı həmkarı Toomas Hendrik İlvesin təbrik nitqləri, eləcə də iqtisadi inkişaf naziri Şahin Mustafayev, Estoniyanın iqtisadiyyat və kommunikasiya naziri Yuxan Parts, AR rabitə və informasiya texnologiyaları nazirinin müavini Elmir Vəlizadə, AZPROMO - nun nümayəndələri, Estoniya İnformasiya Texnologiyaları və Telekommunikasiya Assosiasiyasının təqdimatları gözlənilir.

Sonra Estoniya şirkətləri - Helmes AS, Aktors OÜ, Datel AS və başqalarının Azərbaycanın DELTA, ULTRA, RİSK, SİNAM şirkətlərinin ikitərəfli görüşləri keçiriləcək.

"Estoniya və Azərbaycan telekommunikasiya və informasiya - kommunikasiya texnologiyaları sahəsində qarşılıqlı faydalı əməkdaşlıq həyata keçirə bilər", - Estoniya prezidenti əvvəllər Trend-ə müsahibəsində bildirmişdi.

"Estoniya hesab edir ki, dövlət və onun informasiya sistemi bütövlükdə inkişaf etməlidir. İnformasiya sistemi dövlətin ən yaxşı üsulla gündəlik fəaliyyətini dəstəkləməli və əhali, sahibkarlar, dövlətlə bağlı digər şəxslərin maraqlarından çıxış etməlidir", - İlves vurğulayıb.

Onun sözlərinə görə, Estoniyanın İT sahəsində parlaq nəticələri, o cümlədən elektron vergi inzibatçılığı, elektron polis, elektron seçkilər sistemi, İD - kartlar kimi bəzi presedentsiz və dünyada ən orijinal həllər var.
 "Əminəm ki, Estoniya və Azərbaycanın müəssisələri arasında əməkdaşlıq qarşılıqlı faydalı olacaq", - İlves deyib.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti