Azərbaycan, Bakı, 11 avqust / Trend , müxbir H.Vəliyev /
Son yeddi ay ərzində Dövlət Radiotezliklər İdarəsi (DRİ) tərəfindən 850 ədəd qeydiyyatdan keçməyən REV (radioelektrik vasitələr) aşkarlanıb. Bu barədə DRİ-nin məlumatında deyilir.
Hesabat dövrü ərzində DRİ tərəfindən 380 müəssisə və təşkilata texniki baxış keçirilib. Plana əsasən "Azərbaycan Dəmir Yolları" QSC, Dövlət Gömrük Komitəsi, Teleradio İB-nin obyektlərində də monitorinqlər keçirilib.
Aşkarlanmış qeyri-qanuni REV-ə görə 111 müəssisə və təşkilat barədə protokol tərtib olunub, müvafiq hüquqi tədbirlər görülüb.
Bunlarla yanaşı, təsdiq olunmuş plana əsasən "Radiomonitorinq" şöbəsinin mütəxəssisləri tərəfindən Xızı, Siyəzən, Dəvəçi, Quba, Qusar və Xaçmaz rayonları ərazisində radiomonitorinq işləri aparılıb. Radiomonitorinq işləri zamanı TV və FM kanalların yayım keyfiyyəti yoxlanılıb və TV stansiyalarda istismar olunan vericilərə texniki baxış keçirilib.
Məqalə müəllifi ilə əlaqə ünvanı: [email protected]