...

"Xalq kompüteri" layihəsinin növbəti mərhələsinin reallaşması məsələsinə BakuTel-2009 sərgisi zamanı baxılacaq

Telekommunikasiya Materials 19 Oktyabr 2009 17:35 (UTC +04:00)

Azərbaycan, Bakı, 19 oktyabr / Trend , müxbir H.Vəliyev/

"Xalq kompüteri" layihəsinin növbəti mərhələsinin reallaşması məsələsinə BakuTel-2009 sərgisi zamanı baxılacaq. Bu barədə Rabitə və İnformasiya Texnologiyaları Nazirliyindən Trend -a məlumat verilib.

Nazirliyin məlumatına görə, "Xalq kompüteri" pilot layihəsinin ilk mərhələsi başa çatıb. Layihə çərçivəsində 3500 şəxsi kompüter satılıb. 2000-dən çox kompüter regionlar üzrə satılıb.

HP Azerbaijan-ın bəyanatına görə, satılan şəxsi kompüterlərin 90 faizi portativ kompüterlərin payına düşür.

"Xalq kompüteri" pilot layihəsi çərçivəsində təklif edilən kompüterlər yalnız müəllimlər üçün nəzərdə tutulub. Layihə şəxsi kompüterlərin bazar qiymətlərindən 25-40 faiz aşağı qiymətlərlə, faizsiz, 12 ayadək kredit müddəti ilə satışını nəzərdə tutur.

Layihə HP və Microsoft şirkətlərinin iştirakı ilə həyata keçirilir. Texnikanın tədarükü HP şirkətinin yerli tərəfdaşı Bestcomp Group tərəfindən həyata keçirilir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti