Azərbaycan, Bakı, 10 avqust /Trend, müxbir Q.Vəliyev/
"Symantec" şirkəti Azərbaycan bazarında təhlükəsizlik sistemlərinin, "Symantec Protection Suite" (SPS) "Advanced Business Edition"nın kiçik və böyük biznesin qorunması üçün vəsaitlər paketinin geniş versiyasının irəliləməsinə başlayıb. Bu barədə Trend-ə "Symantec" şirkətinin meneceri Natalya Raykova deyib.
Raykovanın sözlərinə görə, Azərbaycan bazarına təchizat MDB-nin digər ölkələri ilə eyni vaxtda başlayıb və məhsulu "Symantec"in Azərbaycandakı tərəfdaşları vasitəsilə artıq sifariş vermək olar. Şirkət kiçik biznes üçün "SPS Small Business Edition" versiyasının dəyərini 40 faiz azaldıb.
"SPS Advanced Business Edition"nın genişləndirilmiş versiyasına ehtiyat surətçıxarma və serverlərin qəzadan sonra yeniləşməsi, məxfi məlumatın hərəkətinə nəzarət üçün məlumatların itirilməsinin qarşısının alınması texnologiyası, şlüz səviyyəsində spamdan müdafiə və eləcə də bir giriş nöqtəsindən geniş idarəetmə üçün birçıxışlı web-konsol əlavə olunub.
İstehsalçı tərəfindən bir stolüstü kompüter və ya "SPS Small Business Edition" serveri üçün tövsiyə olunan pərakəndə satış qiyməti minimal alış zamanı 30 dollar, daha böyük həcmdə alış və ya yeniləşdirmə zamanı isə qiymət daha aşağı olacaq.
"Symantec"in antivirus qərarlarının qutu şəklində olan versiyasının Azərbaycan piştaxtalarında olmasının mümkünlüyünə gəldikdə, Raykovanın sözlərinə görə, şirkət satışın elektron sxeminə riayət edir.
"Hazırda bütün dünya elektron satışlara doğru hərəkət edir, bu tendensiya təkcə MDB və Azərbaycanda deyil, həm də bütün dünyada mövcuddur. Bu bazarın gecikmiş inkişafının deyil, əksinə, onun yüksək inkişafının sübutudur. Elektron satışlar təchizatı təkcə rahat deyil, həm də ucuzlaşdırır, buna görə də dünyanın əksər ölkələrində "Symantec"in qərarları müstəsna olaraq bu model üzrə uğurla satılır", - Raykova qeyd edib.
