Azərbaycan, Bakı, 13 sentyabr /Trend, müxbir H.Vəliyev/
Regional Rabitə Birliyinin (RRB) peyk rabitəsi, televiziya və radioyayım üzrə komissiyası Birliyin üzv ölkələrinə uzun və orta dalğalar diapazonunda sinxron səslənmə yayım şəbəkəsinin radiotezlik resurslarının bölüşdürülməsi ilə bağlı kriteriyaları hazırlamağı tövsiyə edib. Bu barədə bazar ertəsi Trend-ə Dövlət Radiotezliklər İdarəsinin (DRİ) baş mühəndisi İlham Əfəndiyev bildirib.
Söhbət bir dövlətin istifadə etdiyi ötürücünün digərinin yayım diaqramına manelər yaratmayacaq 549 kHz, 873 kHz və 171 kHz tezliklərinin əlaqələndirilməsindən gedir.
Əfəndiyevin sözlərinə görə, işçi qrupuna onların koordinasiya edilməsi, texniki və maliyyə kriteriyalarının müəyyənləşdirilməsi üzrə genişmiqyaslı işin aparılması tapşırılıb.
Koordinasiyanın daha əlverişli kriteriyaları ötürücü vasitələrin gücünün azalması və antenaların istiqamətinin dəyişməsindən ibarətdir.
"Hələlik istifadə edilməyən, lakin Azərbaycanın Radiotezliklər İdarəsində qeydiyyatdan keçən 549 MHz diapazon tezliyi üçün ötürücülərin gücünün səviyyəsi cəmi 60 kilovatdır, halbuki Belarusda onun tələbat gücü bir meqavata çatır. Azərbaycan gücün səviyyəsini 50 kilovatadək azalda bilər. Digər amil isə başqa ölkələrin efir məkanında maneələr yaratmadan antenaların istiqamətinin dəyişməsinin konfiqurasiyasını və koordinasiyasını öyrənməkdən ibarətdir", - Əfəndiyev qeyd edib.
Regional Rabitə Birliyinin (RRB) radiotezlik spektrinin və radioelektron vasitələrin elektromaqnit uyğunlaşmasının istifadəsinin nizamlanması məsələləri üzrə komissiyasının ötən həftə baş tutan Bakı ıclası çərçivəsində qarşıdan gələn iclasa tezlik diapazonundan istifadə üzrə texniki kriteriyaların müəyyənləşdirilməsi, sonrakı mərhələdə isə müəyyən edilən kriteriyaların maliyyə qiymətləndirilməsi üçün müvafiq strukturların cəlb edilməsi haqqında qərar qəbul edilib.