Azərbaycan, Bakı, 19 noyabr /Trend, müxbir H.Vəliyev/
Beynəlxalq Telekommunikasiya İttifaqının (International Telecommunication union) ümumdünya forumlarına hazırlıqla bağlı Bakıda Regional Rabitə Birliyinin (RRB) rabitə administrasiyalarının qarşılıqlı fəaliyyət məsələləri müzakirə ediləcək. Bu barədə cümə günü Azərbaycan Rabitə və İnformasiya Nazirliyindən deyiblər.
Məsələ noyabrın 23-də Bakıda keçiriləcək "Bakutel-2010" Beynəlxalq telekommunikasiya sərgisi çərçivəsində RRB-nin adminstrasiya rəhbərləri Şurasının 43-cü iclası zamanı müzakirə ediləcək.
İclasın işində RRB-nin rabitə administrasiyalarının tamhüquqlu iştirakçıları və müşahidəçiləri, eləcə də beynəlxalq təşkilatlardan yüksək qonaqlar iştirak edəcəklər.
Gündəliyə informasiya cəmiyyətinin yaradılması, informasiya texnologiyaları sistemlərinin və dövlət xidməti sistemlərinin inkişafı, Ümumdünya Poçt İttifaqının strateji konfransının yekunları, RRB-nin daxili fəaliyyəti və b. daxildir.