Azərbaycan, Bakı, 13 mart /Trend müxbir H.Vəliyev/
Rusiyanın QIWI ani ödəmə sistemi öz istifadəçilərinə Azərbaycan banklarının buraxdığı plastik kartlarla ödəniş və köçürmələri həyata keçirmək imkanı təqdim edib. Trend-in məlumatına görə, bu barədə şirkətin məlumatında deyilir.
Xidmət "Visa International" ödəmə siteminin "Visa ödəmə və köçürmələr" ("Fast Funds") texnologiyası üzrə təqdim edilir.
"Fast Funds" texnologiyası onlayn rejimdə Visa kartları ilə pul köçürmələri həyata keçirməyə imkan verir. Visa kartları ilə pul köçürmələrini həm "Qiwi" terminalları, həm də "Qiwi pul kisəsi" vasitəsilə həyata keçirmək mümkündür.
Ödənişlər ani baş verir, bununla yanaşı, komissiya haqqının bu həcmi orta bazar qiymətindən aşağıdır və alıcı ölkədən asılıdır.
Azərbaycanda "Qiwi pul kisəsi"nı doldurmaq imkanını QIWI ötən ilin oktyabrında təqdim edib. Onu nağd ödənişlə istənilən CONTACT ödəniş qəbul məntəqələrində doldurmaq mümkündür. Ödəniş maksimum sürətlə həyata keçirilir, doldurmaya görə komissiya haqqı 0,5 faiz təşkil edir.
