Azərbaycan, Bakı, 11 may /Trend, müxbir H.Vəliyev/
"Alma Store" mağazalar şəbəkəsi ("Apple Premium Reseller" firma mağazalarının Azərbaycandakı rəsmi şəbəkəsi) "Apple iPad" planşet kompüterləri üçün virtual klaviaturanın Azərbaycan interfeysinin hazırlanması ilə bağlı işlər aparır. Bu barədə cümə günü Trend-ə "Alma Store"un icraçı direktoru Ramin Musayev bildirib.
Musayevin sözlərinə görə, əlavə ay ərzində "Apple" şirkətinə təqdim ediləcək, bəyənildikdən sonra "App Store" əlavələr mağazası vasitəsilə pulsuz paylanacaq.
"iPad" planşet kompüterləri üçün virtual klaviaturanın sentyabrda hazır olması gözlənilir.
Gələcək planlara "iPhone" smartfonları üçün Azərbaycan əlifbasını dəstəkləyən klaviaturanın hazırlanması daxildir.
