Azərbaycan, Bakı, 2 iyul /Trend, müxbir H.Vəliyev/
2011-ci ilin yekunları üzrə "Azərkosmos" ASC-nin aktivləri 93,73 milyon manat təşkil edib. Trend-in məlumatına görə, bu barədə bazar ertəsi şirkətin rəsmi mətbuatda dərc edilən balans hesabatında deyilir.
2011-ci ilin sonuna şirkətin uzunmüddətli aktivləri 42,6 milyon manata yaxın olub, qısamüddətli aktivləri isə 51,14 milyon manatdan çox təşkil edib.
Qısamüddətli debitor borcların həcmi 28,3 milyon manat təşkil edib. 2011-ci ildə pul vəsaitləri və onların ekvivalentləri qismində təqribən 22,7 milyon manat yığılıb.
Ötən ilin sonuna ASC-nin məcmu kapitalı və öhdəlikləri 93,7 milyon manat təşkil edib.
Ötən ilin yekunları üzrə şirkətin maliyyə gəlirləri 9,88 min manat, əməliyyat xərcləri 507,7 min manat olub. İlin yekunları üzrə ASC-nin zərəri 2,39 milyon manat təşkil edib.
