Azərbaycan, Bakı, 16 yanvar /Trend, müxbir H.Vəliyev/
Azərbaycanın internet provayderləri internet-servis provayderlərinin xidmətlərinin daşınması sistemini (mobil nömrələrin daşınması xidmətinin analoqu - MNP) işə salmağa hazırdırlar. Bu barədə Trend-ə Azərbaycan İnternet Cəmiyyətinin sədri Qalib Qurbanov bildirib.
Onun sözlərinə görə, artıq ilin birinci rübündə xidmət abonentlər üçün əlçatan olacaq.
Q.Qurbanov qeyd edib ki, xidmətlərin daşınması servisi internet xidmətlərinin təchizatçıları tərəfindən müsbət qiymətləndirilib: "Bu, ilk növbədə, son istifadəçinin rahatlığına yönəlmiş çox yaxşı təcrübədir. Hazırda bu praktika bir çox ölkələrdə tətbiq edilir. Onun Azərbaycanda da tətbiqinin müsbət səmərə verəcəyini zənn edirəm".