Azərbaycan, Bakı, 3 sentyabr /Trend, müxbir Hüseyn Vəliyev/
2014-cü ilin yanvar-avqust aylarında Azərbaycanda verilmiş "ASAN imza" mobil elektron imza sertifikatlarının ümumi sayı 2,5 dəfə artıb. Bunu çərşənbə günü Trend-ə Vergilər Nazirliyindən deyiblər.
Nazirlikdən bildiriblər ki, 8 ayın yekunu üzrə "ASAN" Sertifikasiya Xidmətləri Mərkəzi tərəfindən 32,4 mindən çox sertifikat verilib.
Ümumilikdə 54 914 "ASAN imza" verilib. 26 599 imza hüquqi şəxslərə, 27 366 fiziki şəxslərə, 949-u isə dövlət qulluqçularına verilib.
Mobil elektron imzadan istifadə edilməklə həyata keçirilən əməliyyatların sayı təqribən 3,5 milyona çatır.
