Bakı. Hüseyn Vəliyev - Trend:
Azərbaycanda ictimai nəqliyyatda gediş haqqını ödəmək üçün "BakıKart" kartlarını internet vasitəsilə yükləmək mümkün olacaq.
Bunu Trend-ə BakıKart" layihəsinin rəhbəri Ceyhun Əliyev deyib.
Onun sözlərinə görə, yeni yükləmə metodu hazırda kommunal xidmət ödənişlərinin həyata keçirildiyi kimi olacaq: "İnternet vasitəsilə yüklənən məbləğ sərnişin gediş haqqını ödədikdən sonra avtomatik olaraq kartın balansına köçürüləcək. Bunun üçün kartı "BakuBus" avtobuslarındakı oxuyucu qurğulara yaxınlaşdırmaq kifayətdir".