...

Naxçıvan MR-də 9046 mln. manat həcmində poçt-rabitə xidməti göstərilib

Telekommunikasiya Materials 30 Noyabr 2005 19:22 (UTC +04:00)

Cari ilin yanvar-oktyabr ayları ərzində Naxçıvan Muxtar Respublikasında (NMR) rabitə sahəsində müəssisə, təşkilat və əhaliyə 9045,8 mln. manat həcmində xidmət göstərilib ki, bu da 2004-cü ilin analoji dövrü ilə müqayisədə 19,8% çoxdur. NMR-in Bakıdakı daimi nümayəndəliyində Trend ə bildirilib ki, göstərilən xidmətin ümumi məbləğindən əhalinin payına 6392,6 mln. manat düşür ki, bu da ötən ilin həmin dövrü ilə müqayisədə 23,5% çoxdur.

Nümayəndəlikdə qeyd olunub ki, MR rabitə və informasiya nazirliyi tərəfindən bu dövr ərzində 1 mindən çox telefon xətti çəkilib.

Bundan başqa, Naxçıvanda rabitə müəssisələrində işçilərin sayı 1 min nəfərdən çox təşkil edib ki, bu da ötən illə müqayisədə demək olar ki, 12% çoxdur. Hər bir işçinin əmək haqqı 2004-cü illə müqayisədə 41% artırılaraq 572,2 min manat (təxminən $125) təşkil edib.

Göstərilən müddətdə 10 kənddə 5 yeni avtomatlaşdırılmış ATS qurğusu təmin edilib və Naxçıvan şəhərinədək fibro-optik magistralın çəkilməsi üzrə işlər davam etdirilib.

2004-cü ildə Naxçıvanda rabitə sahəsində göstərilən xidmət 7,4 mlpd. manat təşkil etmiş və Şərur, Babək və Ordubadda ümumi uzunluğu 123,4 km olan telefon xətləri çəkilmişdi.

Xəbər lenti

Xəbər lenti