2006-cı ilin yanvar-iyul aylarında ölkənin Rabitə və İnformasiya Texnologiyaları Nazirliyi tərəfindən Azərbaycanın telekommunikasiya sahəsinə 17069,3 min AZN sərmayə qoyulub. Nazirlikdən Trend ə verilən xəbərə görə, vəsaitlər əsasən həm paytaxt ətrafında, həm də Azərbaycan bölgələrində rabitə obyektlərinin yenidən qurulmasına, yeni telefon xətlərinin tikintisinə yönəldilib.
Bu dövr ərzində Aztelekom İstehsalat Birliyi (İB) 5663,7 min AZN, Bakı Telefon Rabitəsi İB 8006,2 min AZN, Teleradio İB 1503,8 min AZN, Azərpoçt DM 726,3 min AZN vəsait ayırıb.
2005-ci ildə Rabitə Nazirliyi ölkənin telekommunikasiya sahəsinə 157,571 mlrd. AZM sərmayə qoyub. Bu, 2004-cü ilin göstəricisi ilə müqayisədə təxminən 66 mlrd. AZM çoxdur.
08.07.06 tarixinə Azərbaycanın Milli Bankının məlumatına görə, dolların manata nisbətən rəsmi məzənnəsi 0,8878 AZN təşkil edib.