...

SPR Azərbaycanın Rabitə Nazirliyi üçün USTDA qrant sazişi çərçivəsində tövsiyyələr hazırlayacaq

Telekommunikasiya Materials 21 Avqust 2006 17:42 (UTC +04:00)

Trend-i buradan izləyin

Azərbaycanın Rabitə və İnformasiya Texnologiyaları Nazirliyi və ABŞ-ın Ticarət və İnkişaf üzrə Agentliyi (USTDA) tərəfindən imzalanmış qrant sazişi çərçivəsində Strategic Policy Researsh, İnc. (SPR) mütəxəssislərinin səfəri avqust ayının sonunda baş tutacaq. Trend in Rabitə Nazirliyinə istinadən verdiyi xəbərə görə, bu, SPR-in sayca dördüncü missiyası olacaq.

Ötən səfər zamanı onlar sazişdə nəzərdə tutulmuş gələcək işlər üçün nazirliyin strukturu, onun müəssisələri ilə tanış olub, nazirliyin strukturunda və müəssisələrinin idarəsində ayrı-ayrı istiqamətlər üzrə ilkin tövsiyyələr hazırlayıblar.

SPR islahatlar və institusional dəyişikliklər üzrə aparılmış tədqiqatlar əsasında Rabitə Nazirliyi üçün tövsiyyələr hazırlayacaq.

Sazişə texnologiyaların ötürülməsi, restrukturlaşdırma və təşkilati idarə ilə bağlı məsləhətləşmə xidmətlərinin göstərilməsi, informasiya və kommunikasiya texnologiyaları sektorunda müasir təcrübə üzrə Rabitə Nazirliyinin biliklərinin təkmilləşdirilməsinə, siyasətin formalaşmasının milli prosedurlarının təkmilləşdirilməsi üçün yeni institusional münasibətlərin yaradılma vaxtının müəyyən edilməsinə yardım daxildir.

Sənəd 2005-ci ilin yanvar ayında AR rabitə və informasiya texnologiyaları naziri Əli Abbasov və ABŞ-ın Bakıdakı səfirliyinin işlər vəkili Ceyson Haylend tərəfindən imzalanıb. Qrantın məbləği təxminən 735 min ABŞ dollarıdır.

Xəbər lenti

Xəbər lenti