"BakuTel2006" XII beynəlxalq informasiya texnologiyaları sərgisi və konfransı ərəfəsində Bakıda informasiya-kommunikasiya texnologiyaları və inkişaf üzrə Qlobal Alyansın regional nazirlərinin ikinci iclası keçiriləcək. Bu barədə Trend ə Azərbaycan Rabitə və İnformasiya Texnologiyaları Nazirliyindən bildirilib.
Alyans BMT informasiya təminatı üzrə dövlətlərarası münasibətlərin tənzimlənməsi məqsədi ilə Tunis sammitinin qərarına əsasən yaradılıb.
Oktyabrın 2-də keçiriləcək yığıncaqda müxtəlif dövlət strukturlarının və İT sahəsində fəaliyyət göstərən təşkilatların 10-dan artıq rəhbər şəxsinin iştirakı gözlənilir.
Alyansın birinci sammiti iyunun 18-21-də Kuala-Lumpuredə keçirilib. Tədbirdə Azərbaycanın rabitə və informasiya texnologiyaları naziri Əli Abbasov da iştirak edib.
