Bakcell MM mobil rabitə operatoru Naxçıvan Muxtar Respublikasında mobil rabitə xidmətləri göstərməyə başlayıb. Bu barədə Trend ə NMR-in Bakıdakı daimi nümayəndəliyindən məlumat verilib.
Şirkət artıq şəxsi nömrələrinin satışına başlayıb. Daha əvvəl şirkət bununla bağlı rəsmi mərasim keçirməyi planlaşdırırdı. Ancaq tarix hələ müəyyən edilməyib.
Sentyabrın ilk ongünlüyündə şirkət Naxçıvanda 20 baza stansiyası quraşdırıb.
Əvvəllər isə digər mobil rabitə operatoru - Azercell MM martın 1-dən NMR-də tətbiq olunmuş CDMA texnologiyaları nəzərə alınmadan, belə xidmətlər göstərən yeganə operator idi. Azercell MM Naxçıvan MR-in 80-85% ərazisini əhatə etməklə 25 mindən çox abunəçiyə xidmət göstərir.
