Azərbaycan Rabitə və İnformasiya Texnologiyaları Nazirliyinin (ARİTN) Bakı Telefon Rabitəsi İstehsalat Birliyi telefon rabitəsində yarana biləcək fasilələr barədə xəbərdarlıq edir. Nazirliyin məlumatına istinadən Trend xəbər verir ki, bu, ATS-461,462,463, 413 və ATS-468,469, 460, 413 abonentlərinə şamildir. Hal-hazırda həmin stansiyalarda rekonstruksiya işləri aparılır.
Növbəti mərhələdə ATS-438/439, ATS-494/495, ATS-423, ATS-471/472/473 və ATS-474/475/476 stansiyaları rekonstruksiya ediləcək.
İB Bakıda rabitənin elektronlaşdırılmasını bu ilin sonuna kimi başa çatdırmağı planlaşdırıb.
Hal-hazırda paytaxtda rabitənin elektronlaşdırılması səviyyəsi 75 %-i ötüb.
Yuxarıda göstərilən tədbirlər 2004-2008-ci illər üçün Azərbaycanda informasiya-kommunikasiya texnologiyalarının inkişafı üzrə Dövlət Proqramına müvafiq olaraq həyata keçirilir.
