Azərbaycan, Bakı/ Trend müxbir S.Babayeva/Beynəlxalq Telekommunikasiya Birliyi (ITU - International Telecommunication Union) dünya peyk təşkilatları arasında Azərbaycanın milli rabitə peyki AzerSat-ın buraxılışı ilə bağlı təklifini yayıb. Bu barədə məlumatı Rabitə və informasiya texnologiayaları nazirliyinin fəaliyyətin kordinasiaya şöbəsinin baş məsləhətçisi Qulam Abdullayev verib.
Bu gün Rabitə Nazirliyinə peyk təşkilatları tərəfində detalların razılaşdırılması üçün rəy və təkliflər daxil olur. Bu proses 4 ay davam edəcək.
Mütəxəssisin sözlərinə görə, görülən işin real nəticələrini üç ildən sonra, ən geci isə 7 ildən sonra görmək olacaq.
"Rabitə peykinin hazırlanması və orbitə buraxılması məhz bu qədər vaxt aparır",-deyə o bildirib.
Nazirliyə peyk şirkətləri tərəfindən layihədə iştirakın mümkünlüyü ilə bağlı da təkliflər gəlir.
80-100 mln. dollar dəyərində qiymətləndirilən layihənin maliyyə mənbəyi hələ ki, müəyyənləşdirilməyib.