Azərbaycan, Bakı, 22 fevral /Trend, müxbir N.İsmayılova /
Azərbaycanın Kənd Təsərrüfatı Nazirliyi yanında Kənd Təsərrüfatının Kreditləşməsi üzrə Dövlət Agentliyi "Kənd yerlərinin kompleks inkişafı" layihəsi çərçivəsində fermerlərə və kiçik və orta sahibkarlıq subyektlərinə kreditlərin verilməsi üçün bank olmayan kredit təşkilatının (BOKT) seçimini elan edib. Bu barədə Agentliyin çərşənbə günü yaydığı məlumatda deyilir.
Layihə Beynəlxaql Kənd Təsərürfatının İnkişafı Fondunun (IFAD) və İslam İnkişaf Bankının (İİB) krediti hesabına reallaşdırılır.
Tenderdə iştriraka Azərbaycanın Ağdaş, Yevlax, Şəki və Oğuz rayonlarının ərazilərində fəaliyyət göstərən bank olmayan kredit təşkilatları dəvət olunur.
Tenderin şərtlərinə görə, BOKT-lar kiçik və orta sahibkarlıq subyektlərinə, eləcə də aqrobiznes və kənd təsərrüfatı məhsullarının istehsalı üçün avadanlıqların icarəyə verilməsi, eləcə də marketinq vasitələrinin alınması, həmçinin nəqliyyat xidmətlərinin əldə olunması üçün fərdi şəxslərə və qruplara kreditlər verməlidirlər.
İddiaçılar aşağıdakı minimum meyarlara uyğun gəlməlidirlər: dövlət qeydiyyatına və Azərbaycan Mərkəzi Bankının fəaliyyət lisenziyasına malik olmalı, kredit portfelində aktiv müştərilər arasında kiçik kənd təsərrüfatı müəssislərinin mövcudluğu və aqrar sektor üzrə kreditlərin yüksək xüsusi çəkisinə malik olmalı, vaxtı ötmüş kreditlərin həcmi [30 gündən yuxarı müddətdə qaytarılmayan] dörd faizi ötməməlidir, hesabdan silinmiş kreditlər isə təşkilatın kredit portfelinin iki faizini təşkil etməlidir, kredit prosedurları üzrə iş təcrübəsinin mövcudluğu, müstəqil auditor hesabatı, habelə 2012-ci il ərzində özünümaliyyələşdirmə və ya öz əməliyyat xərclərini maliyyələşdirmə imkanlarına malik olmalıdır.
Sənədlərin qəbulunun son tarixi martın 19-dur. Ünvan: Bakı şəhəri,Ü.Hacıbəyov küçəsi, 40, Hökumət evi, otaq 804.
Telefon: 493-46-93, faks: 498-13-95. E-mail: [email protected].
İİB layihənin reallaşdırılmasına 65,6 milyon dollar, IFAD - 19,7 milyon dollar ayırıb. Yerdə qalan hissə isə ölkə hökumətinin iştirak payı hesabına maliyyələşdiriləcək. Layihənin ümumi dəyəri 102,8 milyon dollar təşkil edir.
