Bakı. İlhamə İsabalayeva - Trend:
Koronavirusla əlaqədar hotellərin bir çoxu profilaktik tədbirlər həyata keçirirlər.
Bunu Trend-ə Dövlət Turizm Agentliyinin mətbuat katibi Kənan Quluzadə deyib.
Onun sözlərinə görə, profilaktik tədbirlərin həyata keçirilməsi məcburi qaydada deyil:
"Amma bizim aldığımız məlumatlara görə, bir çox hotellər özləri profilaktik tədbirlər həyata keçirirlər. Ümumiyyətlə isə, koronavirusla əlaqədar vahid qərargah yaradılıb. O, bütün müəssisələrə lazımi təlimatlarını verir və məsələni nəzarətdə saxlayır".