Bakı. Trend:
ABŞ administrasiyası Karib dənizi regionuna xüsusi əməliyyatlar üçün istifadə olunan çoxlu sayda hava nəqliyyatı vasitələri və qoşunlar göndərib.
Trend xəbər verir ki, bu barədə "The Wall Street Journal" qəzeti məlumat yayıb.
Ən azı 10 "Osprey" konvertoplanı və 100-dən çox insan daşıya bilən "C-17" hərbi-nəqliyyat təyyarəsi bölgəyə göndərilib.
Rəsmi şəxslər hava nəqliyyat vasitələrində qoşun və hərbi avadanlıq daşındığını təsdiqləyiblər, lakin hərbçilərin sayı və qoşun növləri barədə məlumat açıqlanmayıb.