Azərbaycan, Bakı, 9 iyul /Trend/
Hazırda Azərbaycanın yeraltı qaz anbarlarındakı qaz ehtiyatlarının həcmi iki milyard kubmetri ötür. Bu barədə Trend-ə neft-qaz sahəsindəki mənbə məlumat verib.
Qazın vurulması mövsümünün başladığı vaxtdan Azərbaycanın yeraltı qaz anbarlarına 850 milyon kubmetrdən çox qaz vurulub.
Hazırda ölkə iki - "Qaradağ" və "Qalmaz" yeraltı qaz anbarlarına malikdir.
Azərbaycanın yeraltı qaz anbarlarındakı qazın 1,14 milyard kubmetrdən çoxu ötən mövsümdən qalıb.
"İndi qaz anbarlarına sutka ərzində 9 milyon kubmetrə yaxın qaz vurulur", - mənbə bildirib.
Onun sözlərinə görə, bu il qaz anbarlarına vurulan qazın həcminin ötənilki səviyyədə olacağı gözlənilir, lakin mənbə onun artırılması imkanını istisna etmir.
Qaz anbarlarına qazın vurulması mövsümü sentyabr-oktyabrda gözlənilir.
Ötən mövsümdə ölkənin yeraltı qaz anbarlarından 1,92 milyard kubmetrə yaxın qaz götürülüb.
2010-2011-ci illərdə qazın vurulması mövsümünün başa çatmasının yekunları üzrə ölkənin yeraltı qaz anbarlarında qaz ehtiyatlarının həcmi 3,05 milyard kubmetr təşkil edib.