Azərbaycan, Bakı, 2 noyabr / Trend, müxbirlər E.Tariverdiyeva, G.Mehdi /
İranın Xuzistan vilayətində boru kəmərlərinin çəkilməsi ilə məşğul olan şirkət rəsmən bağlanıb. Nəticədə 50-yə yaxın şəxs işsiz qalıb. Trend-in məlumatına görə, bu barədə İLNA agentliyi xəbər verib.
Şirkət real olaraq artıq iki ildir işləməsə də, fəaliyyətini davam etdirən müəssisə hesab edilirdi. Bütün bu müddət ərzində işçilərə əməkhaqqı verilməyib. Halbuki hökumət onun fəaliyyətinin bərpası üçün kredit şəklində şirkətə 100 milyard rial verəcəyini vəd etmişdi.
Bu müddət ərzində şirkətin işçiləri vilayət qubernatorunun iqamətgahı qarşısında bir neçə dəfə etiraz aksiyası keçiriblər. Vəziyyət 2002-ci ildə şirkətin fərdi şəxslərə verilməsindən sonra pisləşib.