Azərbaycan, Bakı, 28 noyabr /Trend/
Assosiasiya haqqında sazişin hissəsi olan azad ticarət barədə saziş Şərq Tərəfdaşlığı ölkələrindən Avropa İttifaqına (Aİ) ixracatın həcmini ikiqat artırmağa qadirdir. Trend-in cümə axşamı RİA Novosti-yə istinadən verdiyi məlumat görə, bunu Avropa İttifaqının genişləndirmə və qonşuluq siyasəti məsələləri üzrə komissarı Ştefan Füle deyib.
Ş.Füle bildirib: "Bu, o deməkdir ki, ixracat indiki təqribən 35 milyarddan 70 milyarddan çox məbləğədək artacaq".
Qeyd edək ki, Şərq Tərəfdaşlığı ölkələrinə Ukrayna, Moldova, Gürcüstan, Azərbaycan, Ermənistan, Belarus daxildir.