...

Krım və Donbassla sərhəddə Ukrayna SQ hərbi hazırlıq səviyyəsinə gətirilib

Dünya xəbərləri Materials 11 Avqust 2016 16:53 (UTC +04:00)
Krım və Donbassla sərhəddə yerləşən Ukrayna Silahlı Qüvvələrinin (SQ) bütün bölmələri gücləndirilmiş hərbi hazırlıq səviyyəsinə gətirilib.
Krım və Donbassla sərhəddə Ukrayna SQ hərbi hazırlıq səviyyəsinə gətirilib

Bakı. Elçin Hüseynov - Trend:

Krım və Donbassla sərhəddə yerləşən Ukrayna Silahlı Qüvvələrinin (SQ) bütün bölmələri gücləndirilmiş hərbi hazırlıq səviyyəsinə gətirilib. Trend RİA Novosti-yə istinadən xəbər verir ki, bu barədə Ukrayna prezidenti Petro Poroşenko tərəfindən tapşırıq verilib.

Qərar Ukrayna prezidentinin güc strukturları və Xarici İşlər Nazirliyi ilə keçirilmiş iclasın yekununda qəbul edilib.

Dünən Rusiyanın Federal Təhlükəsizlik Xidməti (FTX) Krımda Ukrayna Müdafiə Nazirliyinin Baş kəşfiyyat idarəsi tərəfindən hazırlanmış terror aktlarının qarşısının alındığını bəyan edib. Məlumatda deyilirdi ki, diversiyanın məqsədi turizm biznesinə zərbə vurmaq olub.

Qeyd edək ki, Ukrayna SQ qərarqahının rəsmi nümayəndəsi Vladislav Seleznyov FTX-nin bu məlumatını təkzib edərək təxribat adlandırıb.

Məqalədə:
Xəbər lenti

Xəbər lenti