Bakı. Trend:
Türkiyənin şimal-qərbindəki Çanaqqala vilayətində qeydə alınmış yeraltı təkanlar süni yolla törədilə bilər.
Trend-in məlumatına görə, bunu Ankaranın meri Melih Gökçek öz Twitter səhifəsində yazıb.
O iddia edib ki, bu zəlzələni dövlət çevrilişinə cəhdi həyata keçirən qüvvələr meydana gətirmiş ola bilər.
M.Gökçek yazıb: “Çanaqqalada güclü zəlzələ baş verib. Mən aydınlaşdırdım ki, bölgədə seysmik araşdırmalar aparan gəmi mövcuddur. O gəminin hansı ölkəyə məxsus olduğu və nə işlər gördüyü təcili surətdə müəyyənləşdirilməlidir. Narahatam ki, yeraltı təkanlar süni yolla törədilə bilər”.