Bakı. Elmira Tariverdiyeva - Trend
İranın aviadaşıyıcısı “Homa” gələn həftə ilk ATR sərnişin təyyarəsini əldə edəcək.
Trend-in məlumatına görə, bunu şirkətin baş direktoru Fərhad Pərvareş deyib.
Bu, İranın 2017-ci ildə əldə edəcəyi 4 ATR təyyarəsindən birincisi olacaq. Şirkət rəsmisi bildirib ki, bu təyyarələr daxili reyslər üçün istifadə olunacaq.
Ümumilikdə İran Fransa-İtaliya istehsalı olan 20 ATR təyyarəsinin satın alınması ilə bağlı müqavilə imzalayıb.