Bakı. Trend:
Ermənistanda bazarlar dəfn bürosunu xatırladır, buraya heç kim gəlmir, heç kim alış-veriş etmir.
Trend-in erməni KİV-lərinə istinadən məlumatına görə, bunu bazarlardakı satıcılar deyir.
Qeyd olunur ki, qiymətlərin baha olması ilə əlaqədar Yeni il bayramı qabağı alış-veriş kəskin azalıb.
Satıcılardan biri deyib: “Bizdə almaların kiloqramı 3 dollara, armud 4 dollara yaxındır. Ona görə də insanlar bazara gəlmir. Onların pulu yoxdur, necə alış-veriş etsinlər?”
Bazarlardakı qiymətlərdən daha çox pensiyaçılar şikayət edir. Onlar 60 dollar həcmində pensiya aldıqlarını, bununla bayram alış-verişinin mümkün olmadığını vurğulayır.
Qeyd edək ki, Ermənistan işsizlik səviyyəsinə görə MDB-də birinci yerdə qərarlaşıb. Bu ilin birinci rübündə işsizlik səviyyəsi 19 faizə bərabər olub.