...

Ermənistanın dövlət borcu kəskin artıb

Dünya xəbərləri Materials 19 Yanvar 2018 13:41 (UTC +04:00)
Ermənistanın dövlət borcu ötən il ərzində kəskin artıb.
Ermənistanın dövlət borcu kəskin artıb

Trend-i buradan izləyin

Bakı. Trend:

Ermənistanın dövlət borcu ötən il ərzində kəskin artıb və 2017-ci il dekabrın 31-dək olan vəziyyətə görə, 6 milyard 774,6 milyon dollar təşkil edib.

Trend-in Ermənistan KİV-lərinə istinadən məlumatına görə, borcun böyük hissəsi - 6 milyard 173,1 milyon dollar Ermənistan hökumətinin borcudur.

Bu məbləğdən 4 milyard 893,4 milyon dollarını xarici borc təşkil edir.

Qeyd edək ki, 2016-cı il dekabrın 31-dək olan vəziyyətə görə, Ermənistanın dövlət borcu 5 milyard 942,1 milyon dollar təşkil edirdi. Bir il ərzində dövlət borcu 832,5 milyon dollar artıb.

Faktiki olaraq, Karen Karapetyan hökuməti də əvvəlkilərdən fərqlənmir. Bir çox məsələlərin həlli üçün yeni hökumət kreditlər götürməkdə davam edir və bu borcların yükü Ermənistan vətəndaşlarının üzərinə düşür.

Məqalədə:
Xəbər lenti

Xəbər lenti