Kerç kollecində atışma və partlayışda ölənlərin sayı 20-yə çatıb (YENİLƏNİB)

İlk xəbər saat 01:17-də yayımlanıb

Bakı. Trend:

Kerç şəhərində kollecdə baş verən partlayış və atışma nəticəsində ölənlərin sayı 20 nəfərə çatıb.

Trend-in məlumatına görə, bu barədə "TASS"a şəhər administrasiyasının rəhbərinin müavini Dilavər Melqaziyev bildirib.

Atışma və partlayış nəticəsində azı 50 nəfər xəsarət alıb. Onlardan 10-nun vəziyyəti ağırdır.

Ötən gün Kerç şəhərində kollecdə 18 yaşlı 4-cü kurs tələbəsi Vladislav Roslyakov tələbəri atəşə tutub, daha sonra isə kollecin yeməkxanasında əldəqayırma qurğu partladıb. V.Roslyakovun cəsədi kollecin ikinci mərtəbəsində yerləşən kitabxanada tapılıb. O, insidentdən sonra intihar edib.

Şəhərdə 3 günlük matəm elan edilib.

XXX

01:17

Kerç şəhərində kollecdə partlayış və atışma baş verib.

Trend-in "RİA Novosti"yə istinadən verdiyi məlumata görə, kollecin tələbələrindən biri digər tələbələrə tüfəngdən atış açıb və daha sonra kellecin yeməkxanasında əldəqayırma qurğunu partladıb.

Atışma və partlayış nəticəsində 15 nəfər hadisə yernidə, 4 nəfər isə daha sonra xəstəxanada həlak olub. İnsident zamanı 50-dən artıq insan xəsarət alıb.

Bildirilir ki, atışma və partlayışı törədən şəxs kollecin 4-cü kurs tələbəsi 18 yaşlı Vladislav Roslyakov olub. Onun cəsədi kollecin ikinci mərtəbəsində yerləşən kitabxanada tapılıb. V.Roslyakov insidentdən sonra intihar edib.

Qeyd edilir ki, şəhərdə 3 günlük matəm elan ediləcək.