Bakı. Trend:
Çin rəhbəri Si Cinpin Peterburq Beynəlxalq İqtisadi Forumu zamanı rus yazıçısı Fyodor Dostoyevskidən sitat gətirib.
Trend-in məlumatına görə, çinli lider ətraf mühitin mühafizəsinə diqqət çəkib.
O çıxışı zamanı yazıçının "İdiot" əsərindən fikir səsləndirib:
"İnsanla təbiətin ahəng təşkil edəcəyi daha gözəl dünyanın qurulması üçün "yaşıl" inkişafı dəstəkləmək lazımdır. Rusiyalı yazıçı Dostoyevskinin dediyi kimi: "Gözəllik dünyanı xilas edəcək!"
Qeyd edək ki, iyunun 6-da başlayan Peterburq Beynəlxalq İqtisadi Forumu iyunun 8-dək davam edəcək.