Bakı. Trend:
ABŞ-da yeni növ koronavirusdan (COVİD-19) ölənlərin sayı 33 268-ə yüksəlib.
Trend-in məlumatına görə, bunu federal və yerli hakimiyyət orqanlarının məlumatları əsasında hesablamalar aparan Con Hopkins Universiteti bildirib.
Universitetin məlumatına əsasən, hazırda ABŞ-da koroanvirusa yoluxanların sayı 671 mini ötüb. Yalnız son sutka ərzində 4 591 nəfər dünyasını dəyişib.
Hər iki göstəriciyə görə ABŞ digər ölkələri qabaqlayır.
Qeyd edək ki, dünyada koronavirusa yoluxanların sayı 2 milyonu ötüb, 130 mindən artıq insan ölüb.