Bakı. Trend:
Kolumbiyanın şimal-qərbində baş verən atışma nəticəsində ən az üç nəfər yaralanıb.
Trend-in məlumatına görə, bu barədə La FM radiostansiyası bildirib.
Məlumata əsasən, hadisə İtuanqo bələdiyyəsində (Antyokiya departamenti) baş verib.
Bildirilib ki, iki naməlum şəxs sifarişli qətl törətməyə hazırlaşırdı. Cinayətkarlarla hüquq-mühafizə orqanlarının əməkdaşları arasında baş verən atışma nəticəsində üç nəfər yaralanıb. Onlar xəstəxanaya çatdırılıb.