Bakı. Trend:
İtaliyanın baş naziri Corca Meloni ölkəsindəki daşqın səbəbindən "G7" ölkələrinin liderlərinin zirvə toplantısından İtaliyaya vaxtından əvvəl qayıtdığını açıqladı.
Trend-in məlumatına görə, bu barədə baş nazir mətbuat konfransı zamanı deyib.
"Vicdanım məni bu çətin anlara qaytarmağa məcbur edir. Mənə mayın 23-də Nazirlər Şurasının iclasını daha yaxşı hazırlamaq üçün vaxt lazımdır, bu iclasda zərər çəkmiş ərazilərə dəstək üçün tədbirlər görüləcək".
Emiliya-Romanyada daşqınlar nəticəsində azı 14 nəfər həlak olub. Son məlumatlara görə, təxminən 37 min insan təxliyə edilib.