Bakı. Trend:
Ermənistanda 11 nəfərin öldüyü ağır yol qəzası ilə bağlı cinayət işi açılıb.
Trend xəbər verir ki, bu barədə Ermənistanın İstintaq Komitəsindən məlumat verilib.
Bildirilib ki, meyitlərin məhkəmə-tibbi ekspertizaları təyin edilib, hadisənin səbəb və şəraitinin müəyyən edilməsi istiqamətində təxirəsalınmaz tədbirlər görülür.
Qəza nəticəsində yaralanan 6 nəfərdən 5-i Gümrü tibb mərkəzində reanimasiya şöbəsinə yerləşdirilib.
Hazırda istintaq aparılır.
xxx
09:10
İrəvan-Gümrü avtomobil yolunda dəhşətli qəza baş verib.
Trend xəbər verir ki, bu barədə Ermənistan Daxili İşlər Nazirliyinin xilasetmə xidməti məlumat yayıb.
Məlumata görə, gecə saat 00:27-də Şirak Regional Böhran Vəziyyətlərində İdarəetmə Mərkəzinə qəza ilə bağlı siqnal daxil olub. Hadisə yerinə yanğınsöndürən-xilasedicilərdən ibarət 1 heyət və rayon xilasetmə idarəsinin əməliyyat qrupu cəlb olunub.
Məlum olub ki, İrəvan-Gümrü yolunun 90-cı kilometrliyində 1990-cı il təvəllüdlü A.P.-nin idarə etdiyi “Volkswagen” markalı sərnişin mikroavtobusu “ZİL” markalı yük maşını ilə toqquşub.
Qəza nəticəsində 11 nəfərin öldüyü, 6 nəfərin yaralandığı qeyd olunub.