Bakı. Trend:
Almaniyanın cənubunda Bavariya əyalətində davam edən şiddətli yağışlar ciddi fəsadlar törədib.
Trend xəbər verir ki, Nürnberq şəhərinə və ətrafına təsir edən şiddətli yağış və güclü külək nəticəsində ağaclar aşıb, evlərə və şəhər infrastrukturuna xeyli ziyan dəyib.
Məlumata görə, küçələri və yeraltı keçidləri, zirzəmiləri və qarajları su basıb. Bir çox avtomobil yollarda qalıb, yararsız hala düşüb.