Bakı. Trend:
Somali hökumət qüvvələri beynəlxalq tərəfdaşlarla əməkdaşlıq edərək ölkənin mərkəzi hissəsində “Əl-Şəbab” ekstremist qruplaşmasının 30 silahlısını məhv edib.
Trend-in məlumatına görə, bu barədə Somalinin informasiya nazirinin müavini Əbdirəhman Yusuf Əl-Adala məlumat verib.
Onun sözlərinə görə, əməliyyat Əl-Qaras şəhəri yaxınlığındakı Qalmuduq ştatında həyata keçirilib. Hökumət qüvvələrinin itkiləri barədə məlumat verilmir.
Qeyd edək ki, “Əl-Şəbab” 2004-cü ildə Somalidə yaradılıb. Onun 10 minədək döyüşçüsü var və onlar əsasən ölkənin mərkəzi və cənub bölgələrində fəaliyyət göstərirlər.