Bakı. Trend:
Latviya Seyminin (parlament) keçmiş deputatı Yanis Adamsons Rusiyaya casusluq ittihamı ilə 8 il 6 ay müddətinə həbs edilib.
Trend xəbər verir ki, bu barədə məhkəmənin mətbuat xidməti məlumat yayıb.
Məlumata görə, məhkəmənin fikrincə, eks-parlamentar qanunsuz, müntəzəm və məqsədyönlü şəkildə keçmiş DTX zabiti Gennadi Silonov vasitəsilə Rusiya Federal Təhlükəsizlik Xidmətinə (FTX) məxfi məlumatları toplayaraq ötürüb.
İstintaqda araşdırılıb ki, ötürülən məlumatlar Latviya dövlət orqanlarının, hüquq-mühafizə orqanlarının, dövlət təhlükəsizlik strukturlarının işi haqqında, həmçinin respublikanın dövlət müdafiə sistemi haqqında məlumatları ehtiva edib,
Eks-deputat isə iddia edib ki, müttəhimin günahı sübuta yetirilməyib və cinayət işi tamamilə uydurmadır.