Bakı. Trend:
Noyabrın 24-dən bəri Qəzza zolağından ən azı 58 girov azad edilib və həbsdən azad edilən daha 85 fələstinli məhbus İordan çayının qərb sahilinə gəlib.
Trend-in məlumatına görə, bu barədə Beynəlxalq Qırmızı Xaç Komitəsinin (BQXK) baş direktoru Robert Mardini deyib.
"Üç gün ərzində [noyabrın 24-dən] Qəzzada saxlanılan 58 israilli və digər girovlar təhvil verilib. Onlardan bəziləri üçüncü ölkə vətəndaşları olub. 85 fələstinli məhbus isə ailələri ilə İordan çayının qərb sahilində qovuşdu", - deyə o bildirib.
Mardini bununla bağlı deyib ki, “girovların ailələrinə, fələstinli məhbusların isə öz ailələrinə qovuşdurmaq imkanı” ümid işığıdır.