Bakı. Trend:
İraq hökuməti ABŞ ordusunun ölkənin sərhəd rayonlarına endirdiyi zərbələr nəticəsində 16 nəfərin həlak olduğunu açıqlayıb.
Trend xəbər verir ki, bu barədə İraq hökumətinin rəsmi nümayəndəs Basəm Əl-Avadi bəyanat yayıb.
Bəyanatda hücum nəticəsində içərisində mülki şəxslərin də olduğu 16 nəfərin öldüyü, 25 nəfərin yaralandığı deyilir.
Qeyd edək ki, ABŞ Mərkəzi Komandanlığı ötən gecə İraq və Suriyada iranyönlü qruplara zərbələrin endirilməsini təsdiqləyib.