Bakı. Trend:
Gürcüstanın Zuqduqi bölgəsində 6 mərtəbəli yaşayış binasının 6-cı mərtəbəsində yanğın baş verib.
Trend ölkənin yerli KİV-lərinə istinadən xəbər verir ki, yanğın nəticəsində 6 yaşa qədər iki qardaş yanaraq ölüblər.
Məlumata görə, yanğınsöndürənlər daha iki azyaşlını xilas ediblər. Uşaqlar təcili tibbi yardım briqadası tərəfindən xəstəxanaya çatdırılıb. Binanın sakinləri təxliyə olunublar, yanğın söndürülüb.
Gürcüstan Daxili İşlər Nazirliyində faktla bağlı istintaq başlayıb.