Bakı. Trend:
Keniyanın Mukuku kəndində qeyri-adi bir hadisə baş verib.
Trend xəbər verir ki, kəndə kosmosdan diametri 2,5 metr, kütləsi 500 kiloqram olan metal halqa düşüb. Hadisə zamanı insan itkisi qeydə alınmayıb. İlkin ehtimala görə, bu obyekt kosmosdan düşən raket tullantısıdır. Hazırda raketin hansı ölkəyə aid olduğu araşdırılır.
Keniya Kosmik Agentliyi obyektin sahibini müəyyən etdikdən sonra beynəlxalq hüquq çərçivəsində məsuliyyətə cəlb olunmasını tələb edəcəyini açıqlayıb.
Qeyd edək ki, kosmik tullantılar adətən atmosferdə yanır və ya okeana düşür. Lakin bəzən istisnalar baş verir. İndiyədək kosmik tullantının Yerə düşməsi səbəbilə ölüm hadisəsi qeydə alınmayıb.