Bakı. Trend:
Moskvanın "Savelovski Siti" yaşayış kompleksində baş verən yanğında 6 nəfər, o cümlədən iki uşaq xəsarət alıb.
Trend-in məlumatına görə, yanğın kompleksdəki binalardan birinin altıncı mərtəbəsində yerləşən mənzildə baş verib və 20 kvadratmetr ərazini əhatə edib.
Yanğının ilkin səbəbi kimi pərdənin üzərinə düşən şam göstərilir. Yanğın nəticəsində mənzilin bir otağı və dəhlizi tamamilə yanıb.
Hadisə yerinə operativ şəkildə yanğınsöndürənlər cəlb olunub və alov qısa zamanda söndürülüb. Sakinlərin əksəriyyətinə artıq mənzillərinə qayıtmağa icazə verilib. Yanğınla bağlı araşdırma aparılır.