Bakı. Trend:
ABŞ-də Amerika şirkətlərinin Rusiya ərazisində neft hasilatı sektorunda xidmətlər göstərilməsinə qoyulmuş qadağa qüvvəyə minib.
Trend xəbər verir ki, yeni məhdudiyyətləri yanvarın 10-da ABŞ maliyyə nazirliyi elan etmişdi.
Beləcə, yerli şirkətlərin Rusiya şirkətləri ilə əməkdaşlığı dayandırması üçün onlara fevralın 27-dək möhlət verilmişdi.
İstisnaların siyahısına Xəzər borukəməri konsorsiumu (XBK), “Tenqizşevroyl” və “Saxalin 2” layihəsi düşüb: onların xidmətlərin göstərilməsi ilə bağlı lisenziyası cari ilin yay aylarına kimi (28 iyun) qüvvədə qalacaq.
Xatırladaq ki, fevralın 19-da ABŞ dövlət katibi Marko Rubi Ukrayna münaqişəsinin nizamlanması, o cümlədən, atəşkəslə bağlı razılaşma əldə olunmayana qədər Vaşinqtonun Rusiyaya qarşı sanksiyaları ləğv etməyəcəyini bildirmişdi.