Bakı. Trend:
ABŞ prezidenti Donald Tramp ABŞ silahlarının digər ölkələrə ixracını tənzimləyən qaydaları sadələşdirmək üçün fərman imzalamaq niyyətindədir.
Trend-in məlumatına görə, bu barədə "Reuters" agentliyi xəbər verib.
Məlumata əsasən, ABŞ administrasiyası bu addımı yaxın günlərdə elan edə bilər. Fərmanda, xüsusilə, ABŞ Konqresinin Amerika silahlarının satışına icazə verilməsi ilə bağlı qaydaların yumşaldılması nəzərdə tutulur.
Mövcud qanunvericiliyə əsasən, Vaşinqton administrasiyası başqa ölkəyə 14 milyon dollar və ya daha çox dəyərində silah transferi və ya 50 milyon dollar və ya daha çox dəyərində hər hansı hərbi məhsul və ya xidmət üçün Konqresdən icazə almalıdır. Fərmana əsasən, birinci halda məbləğ 23 milyon dollara, ikinci halda isə 83 milyon dollara yüksələcək.