Bakı. Trend:
Koreya Respublikasının Konstitusiya Məhkəməsi Prezident Yun Sok Yolun impiçmentini yekdilliklə təsdiqləyib və onun vəzifəsindən birdəfəlik uzaqlaşdırılması qərarına gəlib.
Trend xəbər verir ki, məhkəmənin səkkiz hakiminin hamısı impiçmentin lehinə səs verib. Qeyd edək ki, prezidentin vəzifədən uzaqlaşdırılması üçün ən azı altı hakimin səsi kifayət edirdi.
Hakimlər qərarlarında bildiriblər ki, Yun Sok Yolun ölkədə hərbi vəziyyət elan etməsi üçün heç bir hüquqi əsas olmayıb. Konstitusiyaya görə, hərbi vəziyyət yalnız müharibə, silahlı münaqişə və ya digər milli fövqəladə hallar zamanı tətbiq oluna bilər.
Məhkəmə qeyd edib ki, Yun Sok Yol parlamentə hərbi personal göndərərək qanunu pozub və ordudan siyasi məqsədlər üçün istifadə edib.
Hakimlər həmçinin vurğulayıblar ki, parlamentin fəaliyyətini qadağan edən hərbi vəziyyət fərmanı ilə Yun Sok Yol vətəndaşların əsas hüquqlarını pozub və konstitusiyaya zidd davranıb.
Xatırladaq ki, 2023-cü il dekabrın 14-də Cənubi Koreya parlamenti hərbi vəziyyətlə bağlı Yun Sok Yola impiçment elan etmişdi.